#Ngecebres : Ora Ana Pemilu/Pilkada, KPU Mangan Gaji Buta Ya?
Priwe kabare sedulur kabeh? Moga-moga pada sehat, waras tur bregas. In syaa Allah mulai dina siki inyong tekniati arep rutin ngecebres babagan demokrasi, politik, sosial, seni dan budaya nganggo basa banyumasan, basane penginyongan. Nyuwun dongane moga-moga bisa istiqomah gole nulis babagan mau. Ngecebres01 kiye, inyong rep ngecebres panggonan nyambut gawene inyong, KPU (Komisi Pemilihan Umum) Banyumas, lembaga pemerintahan sing ngurusi pemilihan umum lan pemilihan kepala daerah. Akeh wong pada takon, sebenere kerjaan KPU yen ora ana pemilu/pilkada ngapa? Enak temen, ora ana pemilu lan pilkada mangan gaji buta. Sedulur kabeh, senajan ora ana pemilu/pilkada, KPU Banyumas gaweane ngendeng-ngendeng alias ora nganggur. Taun 2020 wingi, 21 kabupaten/kota neng Jawa Tengah pada nganakna pilkada, nanging neng Banyumas ora ana pilkada. Terus apa gaweane kanca-kanca KPU banyumas? KPU Banyumas gaweane pirang-pirang, contone KPU Go to Campus, KPU Mengajar, Webinar/diskusi online, Pemutakhiran data Pemilih Berkelanjutan meng desa-desa, Sosdiklih (sosiliasi pendidikan pemilih), digitilisasi C1 (hasil pemilu deupload meng website), KPU menyapa, JDIH (Jaringan dokumen dan informasi hukum) lan akeh liane. Intine inyong rep ngomong, sanajan ora ana pemilu, ora ana pilkada, lagi ana pandemi, anggarane mung sepethil, tetep KPU Banyumas njenggirat, nengel, lan produktif. Alhamdulillah, wingi kerja kesele kanca-kanca KPU Banyumas deganjar penghargaan dadi KPU Kab/Kota sing nyandang predikat Lembaga Informatif sekang Komisi Informasi Publik Provinsi Jawa Tengah. Predikat lembaga Informatif kuwe penghargaaan paling duwur nggo lembaga pemerintahan sing bisa aweh pelayanan meng masyarakat secara terbuka, cepat lan professional. Terus taun 2021, KPU Banyumas arep ngapa bae ? Taun 2021 esih ajeg kahanane kaya 2020, anggarane anane nggo belanja rutin, anggaran nggo kegiatan ya malah lewih sepethil debandingna taun wingi. Sing mbedakna malah semangat kanca-kanca KPU Banyumas. Senajan sepethil lan ora ana anggarane, kanca-kanca wis duwe tekad lewih kreatif, inovatif lan produktif. KPU Banyumas kudu tetep nongol lan unggul debandingna KPU Kab/Kota liane. Rapat awal wulan Januari wingi, mutusna gawe pirang-pirang kegiatan sing tujuane peningkatan kualitas demokrasi, kualitas pemilu lan kegiatane bisa dirasakna manfangate neng masyarakat kabeh. Rencana kegiatan neng tau 2021 : - KPU Banyumas Ngodemas; youtube KPU Banyumas sing isine pendidikan pemilih, pendidikan politik, ngenalna parpol lan lembaga demokrasi, nguatna nilai-nilai demokrasi sing sehat neng masyarakat. - KPU Menyapa; KPU Banyumas esuk-esuk nyapa masyarakat, takon kabar lan ngabarna informasi, apa data-data lan kegiatan-kegiatan sing lagi degarap. - Rakyat Bicara; KPU Banyumas nakoni masyarakat, ngumpulna lan nerusna aspirasi masyarakat meng eksekutif apa legislatif. - Dialog Tokoh; ngundang tokoh masyarakat kon ngisi pendidikan politik utawa tokoh sing diundang njelasna babagan sing lagi dadi bahan obrolan anget neng masyarakat. - KPU Go to Campus; kanca-kanca meng kampus ngisi kuliah nanging temane pemilu lan demokrasi. - KPU Mengajar; kanca-kanca meng sekolah-sekolah (SMA/SMK/MA) ngajar meng siswa-siswa temane pemilu lan demokrasi - Magang, KPU Banyumas mbuka daftaran nggo mahasiswa/i sing pengin duwe pengalaman kerja neng KPU. Wektu magang bisa sewulan utawa enem wulan. - Kursus Pemilu; kaya model kuliah nanging wektune sewulan apa enem wulan, materine pemilu, demokrasi. Kanca-kanca wis gawe kurikulume lan wis siap mentore. Wektune dibarengna karo magang. Dadi rampungane magang, mahasiswa duwe loro sertifikat, sertifikat magang lan sertifikat kursus pemilu. - Pengelolaan JDIH; Jaringan Dokumentasi dan Informasi Hukum. - Peningkatan Pengelolaan PPID. Yen taun 2020 wingi oleh predikat Lembaga Informatif, cita2ne taun 2021 pengin olih maning. Carane kudu lewih inovatif lan gawe open data. - Pemutakhiran data pemilih; sanajan ora ana pemilu/pilkada, KPU Banyumas duwe kewajiban data-data pemilih sing ana neng Banyumas lewih valid, lewih anyar lan maen. KPU Banyumas kerja bareng karo dindukcapil, dindik, kankemenag, TNI/Polri lan lembaga2 liane ben olih data sing valid mau. - Lan lia liane lah Gawean sing pirang-pirang mau kuwe akeh-akehe ora ana anggarane blass. Kanca-kanca mung pengin nidokna lan mbuktikna sanajan ora ana pemilu/pilkada, kanca2 tetep ngode, berkarya lan produktif. Pungkasane atur, njaluk dongane lan dukungane para sedulur kabeh, ben gawean sing pirang-pirang mau kuwe bisaa lancar kabeh lan manfangati kanggo kabehane. Tujuan akhire ben pemilune lewih apik, pemilih dadi pemilih sing cerdas, sing dipilih bisa kober mikir rakyate sebabe biaya sing ditokna ora akeh, ora ngganggo money pilitik. Dadi kabeh bombong tur makmur. Maturnuwun ya luur. Klilan
Selengkapnya